القائمة الرئيسية

الصفحات

مشاجره بين ياسمين عبد العزيز و شقيقها بسبب احمد العوضي


هاجم  الفنان وائل عبد العزيز شقيقته الفنانه ياسمين عبد العزيز بسبب علاقتها مع احمد العوضي، وكتب شقيق ياسمين عبد العزيز عبر حسابه علي فيس بوك  "بصي يا ياسمين يا عبد العزيز يا اختي :
انا معاكي وفي ضهرك من وانتي صغيره شيلت مشاكل كتيًر بسببك من وانتي عيله صغيره بدايه من مشاكلك مع الشاعر وبراده وانتي عارفه ان انا اتاذيت فيها ازاي وقضيته الشغالات مؤخرا غير قضيه الضرب الي كانت بينك وبين بنت هشام سليم الممثله الي لبستيها التورته في وشها .. ووقفت جمبك بكل ما املك من قوه أدافع عنك في كل موقف صعب مر عليكي ونسيت حياتي ونفسي عشانك وبقي كل همي انا "ووالدتك " انك تكبري وتبقي نجمه في مجالك .. سيبنالك اختياراتك كلها لنفسك ووفقنالك علي معظم قراراتك وكنت الوحيد الي ساندتك ووقفت جنبك في طلاقك .. لكن هنهرتل وتروحي تعرفي واحد اصغر منك ب ١٠ سنين لا من سنك وتتصوري صور مالهاش اَي لازمه علي حساب سمعتك وسمعتنا لا ومحدش هيسمح .. من امتي واحنا بنعمل أعياد ميلاد وتنزل علي السوشيال ميديا .. من امتي الناس بتجيب في سيرتنا !؟ ونقعد نتعاكس علي السوشيال ميديا
ومع ذلك حياتك وانتي حره فيها .. انا هتكلم علي الشق الي يخصني .. انتي مقاطعه كل العيله عشان تعملي الي علي مزاجك .. احنا دالواقتي وعايزين نفهم العلاقه دي ايه و رايحه علي فين ..
اما بالنسبه للأخ الي ماشي وراكي في كل حته وشايفك البيضه الدهب الي هتفقسله كل يوم احب أقولك يا راجل لما تيجي تدخل بيت تدخله من بابه يا راجل !! وتقعد مع رجاله البيت !!..دي الأصول وده الاحترام .. وطبعا لانك عارف انك مرفوض رافضا باتا فا عمرك ما هتعمل ده ومعندكش غير طريق الشمال الي انت سالكه من سنين مع بنات الناس !!.. انا من راي كفايه عليك البطوله الي أخدتها والعربيه المرسيدس الهديه .. وتركز في شغلك وتسيبنا في حالنا لان طول عمرنا في حالنا ومحدش سامع عننا حاجه وملوش لازمه جو الصور والمعاكسات ده وانا مبخفش من تهديد حد !!"



ثم عاد شقيق الفنانه ياسمين  عبد العزيز بالكتابه مرة اخري قائلا "ردّك متوقع جدا لان هو ده أسلوبك ومش هيتغير بس انا هرد عليك
بالنسبه ان احد بيصرف علّيا عمرها ما اديتني جنيه في جيبي وأحب افكرك اني قاعد في بيت ايجار وراكب عربيه تويتا كنت جايبها قسط من شقايا واظن انت شوفتها ايّام مسلسل لاخر نفس لما كان معاك عربيه لانسر .. ويادوبك حوشت عشان اغير عربيتي قريب ..وحتي لو حد من اهلي ساعدني في وقت ضيقه انت مالك !! .. والا معندكش كلام تقوله !!!؟
اما الشغل الي انا فاشل فيه فا لو بتعتبر ١٧ جايزه اخدتهم في اربع سنين فشل فا ياريت تعرف تبقي فاشل زاي لكنك مش هتعرف للاسف ..
ومش انت الي تحدد فشلي ونجاحي في اَي شيء لانك طالع علي رقبه الناس ..
اما اختي فالمواقف والسنين الي فاتت هيا الي هتبين انا عملت عشانها ايه ..
اخيرا بقي .. ردّك ده علّيا اثبتلي انك ولا همك الانسانه الي انت ماشي تعاكسها في كل حته وعلي صفاحات السوشيال ومفكرتش تاخد خطوه محترمه تجاهها الا انك جريت علي الترند وهتشتغل شغل قذر لان ده الي يهمك "ترند " " دور بطوله " " فلوس " " عربيات " ..
وبالنسبه للناس الي بتقول اني بتكلم علي موضوع زاي ده علي السوشيال ياريت تدخلوا تشوفوا صفحاتهم وتعرفوا ان الموضوع متعارف عليه للناس الا أهلها ..
ياسمين سالتني بعد الطلاق انها ممكن تحب وتتجوز وانا اول واحد قولتلها طبعًا حبيبتي ومن حقك وهبقي اول حد يفرحلك .. بس مش انت لاني اعرفك من سنين وعارف نواياك والأيام هتثبت صحه كلامي ..
ونصيحه مني ليك لما تدخل علي ست متختارش وقت ضعفها وخروجها من طلاق ومشاكل لو فعلا بتفهم كنت بقيت صديق ينصح ويحافظ ويخاف لحد ما تبقي قويه تاني.. مش يتصور صور زاي دي يا محترم ..
واخيرا في ٥ اكونت باسمي علي فيس بوك وانستجرام وتم التبليغ عنهم من فتره ولم يحدث شيء ."

هل اعجبك الموضوع :

تعليقات